E mërkurë, 2 Korrik, 2025
  • Hyr
SkyWeb.al
  • Kreu
  • Aktualitet
  • Investigim
  • Ekonomi
  • Turizëm
  • Aviacion
  • OP-ED
Nuk u gjet asnjë rezultat
Shiko të gjitha
  • Kreu
  • Aktualitet
  • Investigim
  • Ekonomi
  • Turizëm
  • Aviacion
  • OP-ED
Nuk u gjet asnjë rezultat
Shiko të gjitha
SkyWeb.al
Nuk u gjet asnjë rezultat
Shiko të gjitha
Kreu Ekonomi

Marrëzia e kullave dhe fluturimi me presh i 3-4 viteve të fundit, projektet e bujshme që po dështojnë

SkyWeb Nga SkyWeb
1 Korrik, 2025
in Ekonomi, Kryesore
A A
0
Marrëzia e kullave dhe fluturimi me presh i 3-4 viteve të fundit, projektet e bujshme që po dështojnë
Share on FacebookShare on WhatsApp

Historia e ekonomisë botërore është e mbushur plot me episode të dokumentuara të marrëzisë kolektive. Shpesh ato janë shndërruar në kriza që kanë gjunjëzuar ekonomitë e perandorive të mëdha të globit, si kriza e aksioneve të Misisipit apo fluska e Detit Jugor. Në raste të tjera, ato kanë rrënuar jetët e mijërave individëve si Tullumbacja e Tulipanëve hollandez.

Por pavarësisht leksioneve të pafundmë të historisë, një nga vetitë më magjepsesë të njerëzimit është harresa. Ndryshe krizat e marrëzisë kolektive nuk do të përsëriteshin prapë dhe prapë.

Shikoni Shqipërinë. Ndonëse ka një përvojë të shkurtër me ekonominë e lirë, Shqipëria ka disa episode të marrëzisë kolektive. Fillimisht ishin skemat piramidale të viteve 1996-1997. Disa vite më vonë kriza e besimit në sektorin bankar nga deklaratat e një prifti. Dhe së fundmi, euforia e ngjitjes në lartësi me rrokaqiej 100 katësh, e cila mori trajtën e marrëzisë kolektive katër apo pesë vje më parë. Një lloj fluturimi në lartësi, por me presh nga pas.

E megjithatë, budallallëku kolektiv i kullave shumëkatëshe tashmë po përballet me realitetin cinik të mundësive, ndërsa ata që menduan se do të fluturonin lart kanë filluar të ulen me këmbë në tokë. Bashkë me preshin.

Në vitin 2022, Këshilli Kombëtar i Territorit miratoi lejen e zhvillimit për një kullë rreth 60 kate në rrugën e Kavajës, të quajtur Bofill Tower, për nder të arkitektit spanjoll që e ka projektuar. Një vit më vonë, kompania ndërtuese e kullës mori dhe lejen e ndërtimit. Por sot, gati 3 vite më pas, tek Volkswageni nuk ka as kullë, as gropë dhe madje as rrethim.

Për tre vjet rresht, Agron Papuli, është përpjekur me të gjitha mënyrat të gjejë financime për kullën 60 katëshe. Nga tentativa për kredi, tek afrimi i ortakëve të tjerë në projekt, dhe në fund deri tek shitja. Por kredi nuk ka. Investitorë po ashtu, ndërsa blerës as që nuk bëhet fjalë.

Bofill Tower nuk është rrokaqielli i vetëm virtual që qarkullon nëpër Tiranë. Në qendër të Tiranës është një tjetër po e projektuar nga Bofill, por me emrin ekzotik Barcelona. Edhe ajo ka marrë prej kohësh lejen, por kantier në vend nuk ka dhe projekti është drejt anullim.

Më tutje, diku tek ushtari i panjohur gjendet një tjetër çmenduri 100 katëshe, në fakt dy, me emrin Society Towers. Këto janë dy kulla në formë cilindri, që arrijnë deri në 300 metër lartësi. Dhe një tjetër marrëzi cilindrike thuajse 60 katëshe, gjendet në Blevardin Gjergj Fishta, tek ish Universiteti Europian i Tiranës. Pa folur më për pdf-të e panumërta të Bulevardit të Ri.

Sa më shumë kalon kohë, aq më shumë Tirana po “pushtohet” nga kullat e larta fantazmë, që nuk kanë për t’u ndërtuar asnjëherë dhe marrëzia kolektive po zbehet me shpejtësinë e dritës, teksa përplaset me realitetin. Tashmë disa nga këta, që fluturuan me euforinë e rrokaqiejve kanë filluar të kërkojnë ulje katesh. Dhe kjo thotë shumë.

Ata që mendonin se do financonin marrëzinë me para nga diku kishin harruar një detaj të vogël. Pastrimi i parave është kur ti injekton paratë e pista në një aktivitet ekonomik për të marrë mbrapsh fitime të ligjshme. Kur injekton para të pista për të mos marrë më asgjë mbrapsht, ky nuk është pastrim parash, por humbje parash. Dhe as kriminelën më budallenj të globit nuk i djegin kot paratë e tyre.

Për fatin e mirë të Shqipërisë, budalliku kolektiv i kullave 100 katëshe nuk i infektoi bankat. Këto të fundit kanë ndenjur larg aventurave dhe aventurierëve që kërkojnë të tregtojnë asete, të cilat nuk i kanë. Dhe kjo është e rëndësishme të vazhdojë kështu.

Sepse tashmë një gjë është e sigurtë. Euforia e rrokaqiejve po zbehet me shpejtësi. Prova më domethënëse e kësaj janë kantieret bosh të kullave fantazmë, por edhe një episod me një bankier. Ky kërkonte një kullë me 9 kate për të ndërtuar zyrat e bankës. Por rrugës i thanë ta rriste në 16 kate dhe në fund fare leja përfundoi me 21 kate. Tani bankieri thotë nëpër Tiranë, ku t’i çoj unë i gjori 10 kate.

Dhe ky është një sinjal i fortë edhe për Bankën e Shqipërisë. Kanali i vetëm, që marrëzia kolektive e kullave të shndërrohet në krizë financiare dhe ekonomike, është ai bankar. Nëse kjo do të ndodhë, fajtori do të jetë askush tjetër, por vetëm Banka e Shqipërisë. /kapitali.al

*Titulli është i redaksisë, titulli origjinal: Zbehja e heshtur, por e shpejtë e euforisë së kullave

Etiketat: barcelonakullat
Artikulli para

WIZZ AIR shënon 5 vite në Tiranë me destinacione të reja, event festiv dhe promocion të veçantë

Artikulli pas

By pass-i i Vlorës, zvarritje punimesh dhe rritje kostosh

SkyWeb

SkyWeb

Nga Kategoria

S’ka më kredi për shtëpi 100%, hyjnë sot në fuqi rregullat e reja të BSH: Çfarë ndryshon
Ekonomi

S’ka më kredi për shtëpi 100%, hyjnë sot në fuqi rregullat e reja të BSH: Çfarë ndryshon

1 Korrik, 2025
Shqipëria në prag krize energjetike, KESH zbraz xhepat: Mbi 26 milionë euro blerje për një javë
Ekonomi

Shqipëria në prag krize energjetike, KESH zbraz xhepat: Mbi 26 milionë euro blerje për një javë

1 Korrik, 2025
Merr fund epoka e CV-ve origjinale
Ekonomi

Merr fund epoka e CV-ve origjinale

1 Korrik, 2025
BSH thotë se apartamentet u shtrenjtuan me 44.5 për qind në gjysmën e dytë të vitit të kaluar
Ekonomi

Ligji i ri, administrator me detyrim për të gjitha pallatet

30 Qershor, 2025
Daljet e reja në pension, si do të bëhet përllogaritja me koeficientët e rinj
Ekonomi

Rreth 1 200 lekë në qytet dhe 827 lekë në fshat, sa u rritën pensionet në 1 vit

30 Qershor, 2025
Të rinjtë lënë Shqipërinë në kërkim të një të ardhmeje më të qëndrueshme
Ekonomi

Të rinjtë lënë Shqipërinë në kërkim të një të ardhmeje më të qëndrueshme

30 Qershor, 2025
Artikulli pas
By pass-i i Vlorës, zvarritje punimesh dhe rritje kostosh

By pass-i i Vlorës, zvarritje punimesh dhe rritje kostosh

Lini një Përgjigje Anuloje përgjigjen

Adresa juaj email s’do të bëhet publike. Fushat e domosdoshme janë shënuar me një *

Të Përzgjedhura

Instalimi i pajisjeve DPI në Shqipëri, eksperti: Gjysmë të vërtetat që pranoi AKSK
Aktualitet

Instalimi i pajisjeve DPI në Shqipëri, eksperti: Gjysmë të vërtetat që pranoi AKSK

Nga SkyWeb
10 Prill, 2025
0

Eksperti i sigurisë kibernetike Besmir Semanaj ka reaguar ashpër ndaj justifikimeve të dhëna nga Agjencia Kombëtare për Siguri Kibernetike (AKSK)...

Lexo të plotë
ARRSH hap tenderin 60 milionë euro për Bypassin e Tiranës

ARRSH hap tenderin 60 milionë euro për Bypassin e Tiranës

24 Qershor, 2025
Presidenti Begaj në Itali: Jo vetëm ndërlidhje me komunat arbëreshe, por edhe forcim i bashkëpunimit ekonomik dhe politik

Presidenti Begaj në Itali: Jo vetëm ndërlidhje me komunat arbëreshe, por edhe forcim i bashkëpunimit ekonomik dhe politik

25 Qershor, 2025
Numërohen 1/3 e kutive në rang vendi, PS prin bindshën, rivalitet i fortë për vendin e tretë

Numërohen 1/3 e kutive në rang vendi, PS prin bindshën, rivalitet i fortë për vendin e tretë

12 Maj, 2025
Pse avionët s’janë të pajisur me parashuta? – Përgjigjet për pyetjen që të gjithë e kanë bërë të paktën një herë

Pse avionët s’janë të pajisur me parashuta? – Përgjigjet për pyetjen që të gjithë e kanë bërë të paktën një herë

5 Qershor, 2025

Të Fundit

By pass-i i Vlorës, zvarritje punimesh dhe rritje kostosh

By pass-i i Vlorës, zvarritje punimesh dhe rritje kostosh

1 Korrik, 2025
Marrëzia e kullave dhe fluturimi me presh i 3-4 viteve të fundit, projektet e bujshme që po dështojnë

Marrëzia e kullave dhe fluturimi me presh i 3-4 viteve të fundit, projektet e bujshme që po dështojnë

1 Korrik, 2025
WIZZ AIR shënon 5 vite në Tiranë me destinacione të reja, event festiv dhe promocion të veçantë

WIZZ AIR shënon 5 vite në Tiranë me destinacione të reja, event festiv dhe promocion të veçantë

1 Korrik, 2025
S’ka më kredi për shtëpi 100%, hyjnë sot në fuqi rregullat e reja të BSH: Çfarë ndryshon

S’ka më kredi për shtëpi 100%, hyjnë sot në fuqi rregullat e reja të BSH: Çfarë ndryshon

1 Korrik, 2025
SkyWeb.al

Skyweb.al është një portal informativ i pavarur që sjell lajmet më të rëndësishme dhe të verifikuara nga vendi dhe bota. Me një qasje profesionale dhe të thelluar, duke u ofruar lexuesve një pasqyrë të plotë dhe të balancuar të ngjarjeve që formësojnë realitetin tonë.

Na ndiqni

© 2025 SkyWeb.al - Mundësuar nga E/Digital Studio

Nuk u gjet asnjë rezultat
Shiko të gjitha
  • Kreu
  • Aktualitet
  • Investigim
  • Ekonomi
  • Turizëm
  • Aviacion
  • OP-ED

© 2025 SkyWeb.al - Mundësuar nga E/Digital Studio

Mirësevini!

Hyni në llogarinë tuaj.

Keni harruar fjalëkalimin?

Riktheni fjalëkalimin

Ju lutem shkruani username ose email

Hyr