Një studim i fundit në Mbretërinë e Bashkuar tregon se më pak se gjysma e britanikëve mbajnë ende portofol, megjithëse 80% pranojnë se kanë një të tillë në sirtar.
Shkaku?
Rënia e parasë cash dhe rritja e shpejtë e portofolëve digjitalë.
Teksa brezat e vjetër ende zgjasin dorën për kartat e debitit, më të rinjtë mjaftohen me një telefon ose një orë inteligjente.
Apple Pay dhe Google Pay janë kthyer në mënyrën kryesore të pagesës.
Ky ndryshim nuk është lajm i mirë për xhepistët, muzikantët e rrugës, lypsarët apo ata që nuk kanë llogari bankare.
Madje as për “cash-in” vetë: ndonëse nuk është më zgjedhja kryesore për asnjë grupmoshë, mbi gjysma e britanikëve thonë se e kanë përdorur javën e fundit.
Arsyeja?
Dyqanet e vogla, që shpesh vendosin një minimum për pagesat me kartë, kur gjithçka që dëshiron është një ëmbëlsirë e vogël.
Një tjetër arsye është pasiguria e teknologjisë.
60% e njerëzve kanë përjetuar dështime në pagesat digjitale, ndërsa 20% kanë braktisur blerjet për shkak të problemeve teknike.
Rastet më ekstreme u panë në Spanjë dhe Portugali këtë pranverë, kur ndërprerjet e energjisë bllokuan çdo blerje digjitale, përveç për ata që mbanin ende një kartëmonedhë 20 euro në portofol. /skyweb.al
