Nga 1 janari 2026 hyjnë në fuqi çmimet e reja referencë për rrethet dhe rivlerësimi i pasurive të paluajtshme. Lajmi u njoftua nga ministri i Financave, Petrit Malaj, njoftoi gjatë një takimi me Shoqatën e Ndërtuesve të Shqipërisë, Dhomat e Tregtisë, shoqatat e biznesit dhe përfaqësues të kompanive të pasurive të paluajtshme,.
Në kuadër të konsultimit publik për projektligjin “Për rivlerësimin e pasurisë së paluajtshme” dhe projektvendimin “Për miratimin e metodologjisë për përcaktimin e vlerës taksueshme të pasurisë së paluajtshme”, Ministri Malaj theksoi se metodologjia e re do t’u japë kohë individëve dhe bizneseve gjatë vitit 2025 për të vlerësuar dhe paguar taksat bazuar në vlerat reale të tregut.
Çmimet e referencës, të cilat nuk janë rishikuar që nga viti 2016 përveç në Bashkinë Tiranë, janë përditësuar pas analizimit të 16,800 transaksioneve në 12 qarqe dhe janë shtuar nga 65 në 119 zona për të reflektuar më saktë vlerën e tregut në çdo zonë.
Për të ndihmuar strukturat vendore të tatimeve, harta me kufijtë dhe çmimet mesatare do të publikohen edhe online në faqen e Autoritetit Shtetëror për Informacionin Gjeohapësinor (ASIG). /Skyweb.al
