Kanë dalë pamjet e rrëmbimit të biznesmenit Gerond Mece, ngjarje kjo e ndodhur më 12 gusht të këtij viti, poshtë banesës së tij.
Në dëshminë që ka dhënë para SPAK-ut, Gerond Mece deklaron se personat, të cilët nuk kanë qenë të maskuar dhe që nuk i ka njohur, kishin të veshura uniforma policie dhe uniforma me mbishkrimin BKH.
Në momentin që e kanë ndaluar, i kanë thënë se janë të SPAK-ut dhe se duhet të shkonin me të.
Në këtë moment, Gerond Mece ka deklaruar se nuk ka bërë rezistencë dhe ka hipur në makinë, por gjatë rrugës për në Elbasan ai ka vënë re se personat në fjalë ishin pengmarrës, të porositur nga Ergys Agasi dhe Ermal Beqiri.
Ata kanë ndryshuar rrugën nga autostrada dhe kanë dalë në Qafë Krrabë, dhe më pas, në një pjesë të rrugës nga ku duket Elbasani, i kanë kërkuar, nën presion, që t’u jepte kodet e telefonit dhe të laptopit për t’u tërhequr nga ankimimi i tenderave që kishte bërë në Komisionin e Apelimeve të Prokurimeve Publike.
/
