Dollari amerikan ka vijuar edhe këtë të mërkurë prirjen rënëse, duke humbur sërish pikë krahasuar me një ditë më parë. Në tregun valutor vendas, ai blihet sot me 80.5 lekë dhe shitet me 81.6 lekë.
Ndërkohë, euro paraqitet e qëndrueshme, pa ndryshime të ndjeshme nga dita e djeshme. Monedha europiane blihet me 96.1 lekë dhe shitet me 96.8 lekë.
Edhe franga zvicerane mbetet në nivele të qëndrueshme krahasuar me të martën, duke u blerë me 105 lekë dhe shitur me 106.1 lekë, pa luhatje të forta në kuotë.
Në të kundërt, paundi britanik ka pësuar rënie të lehtë, duke reflektuar një dobësim në tregun e brendshëm valutor. Ai blihet sot me 109.9 lekë dhe shitet me 111 lekë. /skyweb.al
