Mirlinda Karçanaj, e cila deri më tani ka udhëhequr Agjencinë Kombëtare të Shoqërisë së Informacionit, është shkarkuar nga posti, pas skandalit me institucionin që ka drejtuar.
Mësohet se vendin e saj do e zërë Igli Tafa. Ky i fundit, që prej tetorit 2022, mban detyrën e Drejtorit të Përgjithshëm të Autoritetit Kombëtar për Sigurinë Kibernetike njëkohësisht Koordinator Kombëtar për Sigurinë Kibernetike.
Kujtojmë se për Mirlinda Karçanaj, gjykata ka caktuar masën e “arrestit shtëpiak”, së bashku me zëvendësen e saj, Hava Delibashi.
Në të njëjtën kohë, Apeli ka lënë në fuqi edhe masën e pezullimit nga detyra për zëvendësdrejtorin e Policisë së Tiranës, Erion Ismailaj, si dhe masën e “detyrimit për paraqitje” për tre biznesmenët Gëzim Hoxha, Andis Papa dhe Rogers Rryta.
Të pandehurit akuzohen se kanë vepruar në formën e një grupi të strukturuar kriminal, duke abuzuar në mënyrë sistematike me tenderat publikë të AKSHI-t. /skyweb.al
