Autoriteti Kombëtar i Ushqimit, ushtroi kontroll zyrtar në një subjekt me aktivitet “Baxho/Përpunim qumështi” në qarkun e Fierit.
sipas AKU, gjatë inspektimit u konstatua se subjekti operonte pa sistem gjurmueshmërie për produktet ushqimore, nuk kishte të implementuar sistemin e vetëkontrollit (HACCP) dhe tregtonte produkte pa etiketim, në kundërshtim me kërkesat ligjore në fuqi.
Si pasojë e shkeljeve të evidentuara, u vendos masa e bllokimit për një sasi prej:
1,400 kg krem gjalpi;
2,415 kg mocarela;
90 kg gjalpë i freskët lope;
100 kg gjizë;
18 kg mocarela (kova).
AKU, sqaron se ndaj subjektit u aplikua masa administrative “Gjobë” në vlerën 250,000 lekë, ndërsa produktet e konstatuara si të pasigurta u bllokuan me destinacion asgjësimin e tyre.
/skyweb.al
