Një mekanizëm molekular në tru, që vepron si një antidepresiv natyral, ndikohet nga stresi kronik duke pësuar ndryshime të rëndësishme. Ky mekanizëm është studiuar në laborator përmes eksperimenteve me kafshë, duke ndihmuar në kuptimin më të thellë të bazave neurologjike dhe biokimike të depresionit, një gjendje që prek rreth 5% të të rriturve në mbarë botën.
Sipas studimit, stresi i vazhdueshëm ul nivelet e proteinës Rab5If, e cila është thelbësore për plasticitetin sinaptik. Si pasojë, pengohet edhe efekti i trajtimeve antidepresive. Ulja e kësaj proteine lidhet gjithashtu me një degëzim më të kufizuar të neuroneve. Në të kundërt, rritja e nivelit të Rab5If arrin të neutralizojë këto pasoja negative.
Ky zbulim hap mundësi të reja për të kuptuar më mirë mekanizmat biologjikë të depresionit dhe për të zhvilluar trajtime më të avancuara dhe efektive. Studimi është publikuar në revistën shkencore Science Signaling nga studiues të Soochow University në Kinë./skyweb.al
