Dhjetëra pasagjerë të Wizz Air kanë mbetur të bllokuar për orë të tëra në aeroportin e Triestes, pas vonesave të njëpasnjëshme të fluturimit drejt Tiranës.
View this post on Instagram
Denoncimi është bërë nga Kozeta Zavalani, e cila shkruan se fluturimi i planifikuar për në orën 21:00 u shty fillimisht në 21:30, më pas në 22:30 dhe, edhe pas mesnate, pasagjerët nuk kishin marrë një shpjegim apo zgjidhje nga kompania.
“Duhet të jem në punë nesër. Kush mban përgjegjësi? Askush. Na jepni një zgjidhje”, shkruan Zavalani në reagimin e saj, ndërsa shpreh edhe pakënaqësinë për mungesën e informacionit.
Fotot e publikuara tregojnë dhjetëra udhëtarë, mes tyre familje me fëmijë, të ulur në dyshemenë e terminalit në pritje të nisjes së fluturimit. Deri në momentin e publikimit të denoncimit nuk ishte bërë i ditur shkaku i vonesës nga Wizz Air.
Një një reagim për redaksinë, Wizz Air pranoi anulimin e fluturimit me arsyetimin se kushtet e këqija të motit bën të pamundur uljen e avionit në Trieste, ndërkohë që sipas kompanisë.
Madje, pasagjerët nuk fluturuan dot drejt Tiranës edhe gjatë fluturimit të radhës pasi avioni ishte plot.
Kompania tha për Skyweb.al se në këtë fluturim ishin 216 pasagjerë.
Mësohet se ata kanë udhëtuar më pas drejt Shqipërisë duke gjetur vetë rrugë alternative dhe jo me një avion tjetër të kompanisë.
“Nga 216 pasagjerët e pranishëm në këtë fluturim, 61 zgjodhën të ri-rezervonin udhëtimin e tyre në fluturime alternative, 152 zgjodhën rimbursimin e biletës, ndërsa vetëm tre pasagjerë nuk kanë përzgjedhur ende opsionin e preferuar.
Kërkojmë ndjesë të sinqertë për shqetësimin e shkaktuar dhe e kuptojmë plotësisht ndikimin që kjo situatë pati në planet e udhëtimit të pasagjerëve tanë”, tha Wizz Air për redaksinë pas pyetjeve të dërguara prej nesh.
Skyweb.al pyeti Wizz Air-in edhe nëse kishin marrë masa në drejtim të rritjes se kapaciteteve për menaxhimin e flukseve me qëllim shmangien e situatave të ngjashme ku pasagjerët lihen në aeroporte, por nuk morëm përgjigje.
/skyweb.al
