Gazetari Emirjon Senja deklaroi se dëmtimi fizik i disa filialeve bankare gjatë protestave të ditëve të fundit në qendër të Tiranës nuk cenon sigurinë e sistemit bankar në vend dhe as depozitat e qytetarëve.
Duke komentuar sulmet ndaj degëve të bankave të nivelit të dytë në TV Scan, Senja theksoi se qytetarët nuk kanë arsye për panik, pasi dëmet në ambientet ku ofrohet shërbimi nuk duhen ngatërruar me sigurinë e kursimeve të tyre.
View this post on Instagram
“Qytetarët nuk duhet të shqetësohen se u sulmuan disa filiale bankash në qendër të Tiranës. Bankat janë shumë të sigurta dhe nuk ka nevojë për panik. Thyerja e disa xhamave apo mobilieve në një filial banke nuk do të thotë se është cenuar siguria e saj apo depozitat e qytetarëve”, tha ai.
Gazetari u ndal edhe te personat që kanë hyrë brenda filialeve të sulmuara, duke theksuar se nuk duhet të presin të gjejnë para duke thyer xhamat dhe dëmtuar ambientet.
Sipas tij, fondet ruhen në kushte të larta sigurie, ndërsa dokumentacioni ka kopje rezervë.
“Pra, të mos presin se do të gjejnë para brenda kur thyejnë xhamat e një filiali”, u shpreh Senja.
Ai kërkoi shmangien e sulmeve ndaj bankave dhe kompanive të telekomunikacionit, duke i cilësuar këta sektorë si arterie kryesore të ekonomisë së vendit. Senja theksoi se revolta nuk duhet të shoqërohet me shkatërrimin e bizneseve dhe të infrastrukturës që u shërben qytetarëve.
“Duhen shmangur sulmet ndaj biznesit privat”, përfundoi gazetari. /skyweb.al
View this post on Instagram
