Policia e Shtetit ka reaguar pas përhapjes në rrjetet sociale të mesazheve intimiduese drejtuar disa mësuesve dhe pedagogëve që morën pjesë në protestën e një dite më parë. Sipas policisë, mesazhet, në të cilat pretendohet se pjesëmarrësit janë filmuar gjatë tubimit dhe do të kontaktohen për t’u komunikuar akuza, nuk janë dërguar nga ky institucion.
Në një reagim publik, Policia e Shtetit deklaron se mesazhet janë dërguar nga persona ende të paidentifikuar, me qëllim përhapjen e panikut dhe dëmtimin e besimit të qytetarëve te institucioni.
Policia thekson se e drejta për t’u tubuar në mënyrë paqësore është e garantuar nga Kushtetuta dhe se institucioni ka detyrimin ligjor ta respektojë dhe ta garantojë atë.
Në një reagim publik, Policia e Shtetit deklaron se mesazhet janë dërguar nga persona ende të paidentifikuar, me qëllim përhapjen e panikut dhe dëmtimin e besimit të qytetarëve te institucioni.
Policia thekson se e drejta për t’u tubuar në mënyrë paqësore është e garantuar nga Kushtetuta dhe se institucioni ka detyrimin ligjor ta respektojë dhe ta garantojë atë.
Në reagimin e saj, policia ka përgënjeshtruar edhe pretendimet e publikuara në rrjetet sociale lidhur me pamjet nga Rinasi, ku thuhet se shtetas të huaj po silleshin në Shqipëri për t’u mbajtur në burg. Sipas policisë, bëhet fjalë për shtetas që transportohen nga Italia drejt Gjadrit, në qendrën e pritjes për emigrantët e paligjshëm.
Gjithashtu, institucioni i ka cilësuar si të pavërteta lajmet për dorëheqje masive nga radhët e Policisë së Shtetit, si dhe pretendimet se drejtues të policisë kanë dhënë urdhra të kundërligjshëm për ushtrimin e dhunës gjatë ditëve të protestave.
Në përfundim, Policia e Shtetit u bën thirrje qytetarëve të mos bien pre e informacioneve të rreme, të cilat, sipas saj, synojnë të cenojnë misionin ligjor të institucionit dhe besimin e publikut tek ai.
