Bileta për vizita në muze, kala ose parqe arkeologjike tashmë mund të blihet online përmes platformës e-Albania. Sipas një vendimi të fundit, vizitorët nuk do të kenë më nevojë të përdorin biletë fizike, nga tani e tutje, mjafton të zgjedhin opsionin „Biletaria online për sitet kulturore” në e-Albania, të zgjedhin vendin dhe llojin e biletës, të bëjnë pagesën dhe bileta do t’u dërgohet direkt në email, me vlefshmëri 1 muaj.
