A doni të dini segmentin se ku bën më shumë para Policia e Shtetit përmes gjobave?
Është pikërisht kjo rruga këtu! (Shih foton) Është segmenti sa del nga autostrada Fier-Vlorë, kalon rrethin dhe futesh për në qytetin e Vlorës përmes Rrugës Transballkanike.
Ky aksi këtu nga rrethi i madh deri te rrethi tjetër ku futet rruga “Dervish Hekali” në Vlorë është një “minierë ari” (shifrat më poshtë).
Çdo ditë, ustallarët vendosin një makinë nga ato që bëjnë “shtrak” duke peshkuar çdokënd që është mbi tabelë! Gjobat kërcasin deri në 400 mijë lekë të vjetra jo shaka.
Po a e dini se sa është tabela? Deri para ca kohësh ka qenë 40 km/h, kurse tani mqs po u dhimbseshin shoferët e kanë bërë 60 km/h.
Tani të vijmë te shifrat. Kam të dhëna që një polic rrugor që del me atë veglën e mbyll turnin me 8-12 milionë lekë të vjetra gjoba këtu! KUJDES: Turnin, jo ditën!
Kush nuk beson, le të pyesë e ta verifikojë se në fundjave mund të kapë dhe 15 mln lekë!
Keta thyejnë çdo ligj të biznesit dhe tregut të lirë, madje duhen çuar të japin leksione se si mund të nxjerrësh maksimumin nga krahu i punës. E ku ka biznes më fitimprurës se sa të nxjerrësh në rrugë një djalosh apo një vajzë me veglën në krah apo makinë e të kthehet në fund të turnit me një thes me para?
Pse e them këtë? Sepse, logjika e gjobës është që të parandalosh shkeljet, por kur gjoba kthehet në qëllim në vetvete atëhere ajo del nga funksioni i saj dhe kthehet në një mjet të mirëfilltë zhvatjeje!
Nëse do të ishin të interesuar aty për të mbrojtur jetën e qytetarëve mund të gjendeshin forma të tjera, siç janë “policët e shtrirë” apo relievet e ngjashme, siç i kanë gjetur në rrugë brenda qytetit, por jo, duket se qëllimi është gjoba edhe pse duket qartë që ajo ka dalë nga funksioni! /skyweb.al
ADVERTISEMENT
