Nga Skyweb.al
Rritja e shpejtë e numrit të udhëtarëve nga Rinasi në drejtim të vendeve të BE-së dhe më gjerë pritet të ndiqet dhe nga nisja e fluturimeve direkte nga Rinasi për në New York, siç ëhstë paralajmëruar nga vetë kryeminsitri Rama si edhe Tirana International Airport.
Me zgjatjen e pistës së aeroportit do të bëhet e mundur edhe ulja e avionëve të mëdhenj që përdoren kryesisht për linja fluturime të gjata transoqeanike.
Deri tani shqiptarët kanë përdorur si aeroporte tranzite kryesisht Vjenën, Beogradin ose Frankfurtin.
Kompania
TIA ka njoftuar se është në negociata me gjigantin Delta Airlines për ofrimin e këtyre fluturimeve, gjë që do të lehtësonte lëvizjen e shqiptarëve por edhe të pasagjerëve nga rajoni drejt SHBA-së. Për momentin flturimet direkte nga rajoni ynë drejt SHBA-së bëhen nga Beogradi me një avion Airbus A330.
Nisja e linjës direkte nga Tirana do të konkurronte Beogradin duke marrë një pjesë të mirë të trafikut jo vetëm nga Shqipëria por edhe vende fqinje si Maqedonia e Veriut dhe Mali i Zi.
Delta Airlines është kompania e dytë në botë për flotën e madhe të avioneve duke operuar prodhime të Boeing si 717; 737; 757; 767 dhe 777, si edhe avionët Airbus A220; A320; A330 dhe A350.
Tipi i avionit
Parashikohet që fluturimi direkt nga Tirana për në New York të zgjasë rreth 9 orë e gjysmë deri në 10 orë e 20 minuta në varësi të kushteve atmosferike dhe tipit të avionit.
Duke parë flotën e Delta Airlines si edhe profilin e Aeroportit të Rinasit, pritet që kompania të nisë fluturimet me avionë të tipit Boeing 767 dhe Airbus A330. Të dy avionët janë me “kabinë të gjerë” dhe mund të transportojnë njëherësh 230 deri në 270 pasagjerë në varësi të konfigurimit.
Delta ka një flotë avionësh me moshë rreth 15 vjeçare, ndërsa linja Airbus është disi më e re krahasuar me linjën Boeing.
Fakti që Rinasi pritet të përdoret për fluturime drejt Neë Yorkut edhe nga pasagjerë nga rajoni por edhe më gjerë duke e shfytëzuar si tranzit, pritet të rrisë numrin e udhëtarëve duke kërkuar që kompania të zgjerojë edhe numrin e fluturimeve duke kaluar më pas në avionë me kapacitete më të mëdha si Airbus A350 ose Boeing 777 në një të ardhme afatmesme, shkruan skyweb.al.
Çmimi i biletës
Referuar të dhënave nga rajoni, pritet që cmimi i një bilete standard nga Tirana për në New York të nisë nga 650 -700 euro vajtje/ardhje. Sigurisht, çmimet e biletave janë të ndryshueshme në varësi të periudhës; klasit të udhëtimit dhe rrethana të tjera që lidhen edhe me mënyrën si si veprojnë algoritmet e sistemeve të blerjes së biletave të kompanive.
FLOTA E DELTA
