Monedhat kryesore të tregut ndërkombëtar kanë shënuar sërish rënie kundrejt lekut në kursin zyrtar të publikuar sot, më 12 qershor 2025, nga Banka e Shqipërisë.
Dollari amerikan (USD) ka rënë me 0.87 lekë, duke u kuotuar në 84.87 lekë.
Euro (EUR) ka zbritur me 0.03 lekë, duke arritur në 98.04 lekë.
Paundi britanik (GBP) ka humbur 0.62 lekë, duke u llogaritur me 115.15 lekë.
Këto të dhëna pasojnë zhvlerësimin e një dite më parë, ku edhe në tregun lokal të këmbimit, monedhat e huaja u tregtuan me vlera të ulëta. Euro blihej me 97.6 lekë dhe shitej me 98.3 lekë. Dollari amerikan blihej me 84.6 lekë dhe shitej me 85.8 lekë, ndërsa paundi britanik blihej me 114.4 lekë dhe shitej me 115.8 lekë.
Cikli rënës i dollarit amerikan ndaj monedhave të tjera nisi me pasiguritë që shkaktuan në treg tarifat e shpallura nga amdinistrata Trump, ndërsa në tregun e brendshëm vlerësohet se faktori kryesor i dobësimit të monedhës amerikane me lekut të jetë nisja e sezonit turistik. /skyweb.al
