Tesla po shqyrton mundësinë e ridizajnimit të mënyrës së hapjes së dyerve të makinave në raste emergjente, pas disa aksidenteve ku pasagjerët raportuan se mbetën të bllokuar brenda automjeteve që po digjeshin.
Edhe pa ndodhur ndonjë aksident, disa pronarë të tjerë të automjeteve Tesla kanë raportuar se janë detyruar të thyejnë xhamat e makinës së tyre pasi kishin vendosur fëmijët në sedilje dhe më pas nuk mund të hynin më në makinë, sipas një hetimi të nisur nga Administrata Kombëtare e Sigurisë së Trafikut në Autostrada (NHTSA), duke cituar ankesat e pronarëve. Një investigim i Bloomberg zbuloi 140 raste të njerëzve që mbetën të bllokuar brenda makinave për shkak të problemeve me dorezat e dyerve, përfshirë disa raste që rezultuan me lëndime të rënda.
Shefi i dizajnit të Tesla-s, Franz von Holzhausen, deklaroi në një podcast se kompania po punon për të kombinuar mekanizmin elektronik dhe atë manual të hapjes së derës, të cilat aktualisht janë të ndara, në mënyrë që të bëhet më e lehtë dhe më e shpejtë dalja nga makina në një “situatë paniku”.
Ideja për të kombinuar mekanizmin elektronik me atë manual në një buton të vetëm, më duket shumë e arsyeshme,” tha ai në një intervistë për podcast-in Hot Pursuit! të Bloomberg. /Skyweb.al
