Aeroporti Ndërkombëtar i Tiranës “Nënë Tereza” ka shënuar një tjetër muaj historik në gusht 2025, duke regjistruar 1,413,064 pasagjerë dhe 8,106 fluturime. Shifrat e bëjnë këtë muaj një prej më të ngarkuarve në historinë e aeroportit, duke konfirmuar rritjen e vazhdueshme të trafikut ajror në Shqipëri.
Sipas të dhënave zyrtare, nga Tirana u operuan fluturime drejt 108 destinacioneve në 32 shtete, me pjesëmarrjen e 30 linjave ajrore.
Në listën e destinacioneve më të kërkuara për muajin gusht kryesojnë qytetet: Milano, Londër, Romë, Vjenë dhe Bolonjë, duke treguar qartë prirjet kryesore të udhëtimit për pasagjerët shqiptarë dhe të huaj.
Aeroporti thekson se vazhdon të jetë “ura që lidh Shqipërinë me botën”, duke ofruar një rrjet gjithnjë e më të gjerë lidhjesh dhe më shumë zgjedhje udhëtimi për një komunitet pasagjerësh që po rritet me shpejtësi.
