Austrian Airlines ka nisur një proces të ri ristrukturimi të flotës, duke vendosur të transferojë avionët Embraer E195 tek kompania Air Dolomiti, pjesë e grupit Lufthansa.
Vendimi është pjesë e strategjisë për të thjeshtuar flotën dhe për të përmirësuar efikasitetin operacional.
Procesi do të zhvillohet gradualisht deri në vitin 2028, me synimin që Austrian të fokusohet kryesisht tek avionët Airbus A320 për fluturimet brenda Europës dhe tek Boeing 787 Dreamliner për destinacionet ndërkontinentale.
Avionët Embraer nuk do të zhduken plotësisht nga rrjeti i Austrian.
Sipas marrëveshjeve, ata do të operohen nga Air Dolomiti në formën e “wet-lease”, pra fluturime të kryera nga kjo kompani, por në shërbim të rrjetit të Austrian Airlines.
Ky tranzicion shënon një hap të rëndësishëm në konsolidimin e flotës së Austrian, ndërsa Air Dolomiti forcon rolin e saj si operator rajonal brenda grupit Lufthansa. /skyweb.al
