Drejtoria e Përgjithshme e Shërbimeve të Transportit Rrugor ka prezantuar një risi për përdoruesit e automjeteve në Shqipëri. Nga sot, targat e personalizuara mund të transferohen lirisht në çdo autoveturë që zotëron qytetari, pa kufizime ligjore apo administrative.
Sipas njoftimit zyrtar, kjo lehtësi e re synon të rrisë fleksibilitetin dhe të përmirësojë përvojën e përdoruesve, duke u dhënë mundësinë qytetarëve të ruajnë targën e tyre të personalizuar edhe nëse ndryshojnë automjetin.
“Risia sjell fleksibilitet për përdoruesit: nuk ka rëndësi mosha e makinës, as vlera e saj në treg. Zgjedhja është në duart e tua,” – thuhet në publikimin e DPSHTRR-së.
Ky ndryshim është pjesë e nismave të institucionit për modernizimin e shërbimeve dhe nxitjen e personalizimit të mjeteve motorike, duke u mundësuar qytetarëve të zgjedhin kombinimin që i përfaqëson dhe të shprehin stilin e tyre në rrugë./skyweb.al
