Sipërfaqe të mëdha me rërë të bardhë, ujëra të kaltër dhe rreshta hotelesh të pastër buzë detit shtrihen përgjatë vijës bregdetare të resortit të sapo ndërtuar Wonsan-Kalma. Projekti ambicioz i diktatorit Kim Jong Un është realizuar dhe prej qershorit u hap për të pritur turistët, por këta të fundit nuk po shkojnë.
CNN shkruan në një arrikull se pamjet nga resorti, i cili u hap në qershor, tregojnë vetëm një grusht turistësh rusë mund të shiheshin në shtrirjet e mëdha të plazhit. Pjesa tjetër e zonës dukej bosh.
“Nuk ka të huaj të tjerë përveç nesh, 15 vetë,” – tha Darya Zubkova, 34 vjeç, veterinerr nga Shën Petersburgu i Rusisë.
Ajo ishte pjesë e grupit të parë të të huajve që u lejuan të kalonin pushimet në Ëonsan që nga pandemia. Për një javë në korrik, Zubkova dhe miqtë e saj kishin pothuajse të gjithë resortin e ri prej miliona dollarësh për vete.
Zona turistike Bregdetare Wonsan-Kalma ka qenë prej kohësh një nga projektet personale të Kim Jong Un, shpesh e promovuar në mediat shtetërore. Hotelet me ngjyra pastel, parqet me lojëra në ujë dhe shëtitoret buzë detit janë ndërtuar për të përçuar një mesazh: “Koreja e Veriut është e hapur për biznes.”
Vetë resorti është i ndarë në zona për turistët vendas dhe për të huajt. Zubkova dhe grupi i saj qëndruan në seksionin ndërkombëtar, i ndarë nga pushuesit koreanoveriorë, shkruan Skyweb.al
“Nuk mund të lëviznim lirshëm midis zonave, ndonëse turistët nga zona vendase mund të shkonin kudo, përveç në plazh”, tha ajo.
“Ishte edhe një park i madh ujor, na u dha mundësia ta shihnim nga jashtë, por nuk na lejuan të hynim, sepse ishte pjesë e zonës vendase. Aty kishte shumë vendas, turma të mëdha njerëzish.”
Ajo kujton gjithashtu se u pritën nga personeli i hotelit që përkulej ndërsa hynin në holl, dhe pastaj mjekë të veshur me bluza të bardha kontrollonin temperaturën e vizitorëve dhe u dezinfektonin duart.
Para pandemisë, turistët perëndimorë mund të rezervonin ture në Korenë e Veriut përmes një numri të vogël agjencish të specializuara. Udhëtimet ishin të planifikuara me skenar të ngushtë, por të arritshme, dhe qindra të huaj regjistroheshin çdo vit për ta parë vendin nga afër.
Projekti i ri Wonsan-Kalma në veçanti është promovuar si simbol i progresit, madje është përmendur si një vend i mundshëm për samite diplomatike në të ardhmen.
Por nevoja e qeverisë për kontroll e ka ngadalësuar zbatimin e tij. YouTuber-at dhe influencuesit tani nuk lejohen të vizitojnë vendin pasi videot virale treguan shumë nga jeta e përditshme. Turistët perëndimorë mbeten të bllokuar. Edhe grupet ruse përballen me kufizime të rënda. /Skyweb.al
