Miliarderi i njohur i medias, Rupert Murdoch, ka zgjidhur përfundimisht mosmarrëveshjet për trashëgiminë e perandorisë së tij mediatike.
Sipae Financial Times, Murdoch ka vendosur që kontrollin e ardhshëm të biznesit t’ia kalojë djalit të tij më të madh, Lachlan Murdoch, duke e shpallur atë trashëgimtar të vetëm të fuqisë familjare në media.
Marrëveshja, me vlerë 3.3 miliardë dollarë, përfshin blerjen e pjesës së tre fëmijëve të tjerë nga trusti familjar, duke i lënë Lachlan në krye të gjithë grupit.
Kjo lëvizje vjen pas një beteje të gjatë dhe të ashpër mes fëmijëve të Murdoch për kontrollin e perandorisë së tij.
Me këtë vendim, Rupert Murdoch i jep fund pasigurive mbi të ardhmen e kompanisë së tij dhe siguron kalimin e drejtimit në duart e Lachlan, duke i dhënë atij kontroll të plotë mbi një nga imperiumet më të mëdha të medias globale./skyweb.al
