Kryeministri Edi Rama ka marrë pjesë në konkursin ndërkombëtar për rilindjen e Pallatit të Sporteve “Asllan Rusi”.
Gjatë këtij aktiviteti, 6 skuadrat finaliste prezantojnë për jurinë projekt-idetë arkitekturore.
Kryeministri Edi Rama u shpreh se ky projekt do të rikthejë frymën dhe energjinë e pazëvendësueshme të hapësirës së “Asllan Rusit”. Po ashtu nënvizoi se e gjithë lëvizja e re sportive e krijuar në të gjitha shkollat, do të furnizojë këtë pallat sporti me talente dhe yje të reja.
“Sot jemi në një kohë të re dhe që meriton një formë të re, forcë të re dhe një vëmendje të re. Unë besoj se skuadrat finaliste të këtij konkursi do të na vënë në pozitë të vështirë, për të përzgjedhur projektin më të mirë sepse janë të gjitha skuadra me talente të jashtëzakonshme dhe kapacitete të provuara në shumë vende të tjera. Kam besim që me atë që kemi krijuar të bëjmë një gjykim ashtu si duhet. Shqipëria sot është në kohën ku synon shumë lart edhe në aspektin e pjesëmarrjes në kompeticione…”, tha Rama. /ilirianews.al
