Rusia ka dërguar bombardues me rreze të gjatë veprimi Tu-22M3 për të patrulluar mbi ujërat neutrale të Detit Baltik, një veprim që vjen në një kohë kur marrëdhëniet mes Moskës dhe Perëndimit mbeten tepër të tensionuara. Sipas Ministrisë ruse të Mbrojtjes, kjo është një fluturim i planifikuar dhe pjesë e stërvitjeve të rregullta ushtarake.
Gjatë fluturimit, avionët rusë janë shoqëruar nga mjete ajrore të vendeve të tjera, të cilat nuk janë identifikuar saktësisht, por që dyshohet të jenë nga shtetet anëtare të NATO-s që monitorojnë rregullisht hapësirën ajrore mbi Balltik. Prania e këtyre avionëve në një zonë kaq të ndjeshme strategjikisht, përforcon shqetësimet për përshkallëzim të mundshëm të tensioneve ushtarake në rajon.
Ndërkohë, edhe Marina Mbretërore britanike njoftoi se një nga shkatërruesit e saj ka monitoruar një anije luftarake ruse që lundronte në ujërat ndërkombëtare pranë Detit të Veriut dhe Kanalit Anglez. Këto lëvizje të sinkronizuara nga ana e Rusisë duket se janë një demonstrim force, në një moment kur balanca e sigurisë në Evropë mbetet e brishtë.
Në këtë kontekst, patrullimet ajrore nuk janë vetëm manovra ushtarake, ato janë sinjale politike që tregojnë gatishmërinë e Rusisë për të sfiduar praninë dhe ndikimin e NATO-s në kufijtë e saj perëndimorë. /Skyweb.al
