Kreu i Autoritetit Rrugor Shqiptar (ARRSH), Gentian Gjyli, është paraqitur paraditen e së hënës në SPAK, i shoqëruar nga avokati i tij. Burime nga organi i akuzës bëjnë me dije se Gjyli pritet të njihet me akuzat në lidhje me tenderin e Tunelit të Llogorasë, një nga projektet më të mëdha infrastrukturore të viteve të fundit.
Vetëm pak ditë më parë, zëvendëskryeministrja dhe ministrja e Infrastrukturës dhe Energjisë, Belinda Balluku, u mor e pandehur për të njëjtën çështje, nën akuzën e shkeljes së barazisë në tendera.
Hetimi për tenderin e Llogorasë është një nga dosjet më të ndjeshme që po shqyrton SPAK, pasi përfshin fonde të mëdha publike dhe vendime kyçe të marrë gjatë fazës së prokurimit. Pritet që në ditët në vijim të ketë zhvillime të reja lidhur me përgjegjësitë dhe rolet e zyrtarëve të përfshirë në këtë procedurë.
/skyweb.al
