Viti 2025 pritet të përfundojë si një ndër tre vitet më të ngrohta të regjistruara ndonjëherë sipas të dhënave të Copernicus Climate Change Service në Bashkimin Evropian.
Tetori i këtij viti shënoi temperaturën mesatare globale të sipërfaqes së ajrit 0.7 gradë Celsius mbi mesataren e periudhës 1991–2020, duke theksuar tendencën e ngrohjes së vazhdueshme. Rajonet që përjetuan devijime më të mëdha pozitive përfshijnë Arktikun qendror, Antarktidën Lindore dhe Kanada veriore-lindore ndërsa pjesë të Rusisë jugore, Mongolisë dhe Kinës veriore shënuan temperatura më të ulëta se zakonisht.
Nivelet e temperaturës së sipërfaqes së detit gjithashtu ishin të larta duke arritur 20.54 gradë Celsius, vlera e tretë më e lartë e regjistruar për tetorin. Shkencëtarët paralajmërojnë se ritmi i ndryshimeve klimatike po përshpejtohet ndërsa emetimet e gazrave serrë vazhdojnë, dhe dekada aktuale mund të shënojë tejkalimin e kufirit prej 1.5 gradë Celsius mbi nivelin paraindustrial një objektiv ky i vendosur nga marrëveshjet ndërkombëtare për klimën.
Ky trend tregon qartë se ngrohja globale nuk është më një parashikim i largët, por një realitet që kërkon veprime urgjente për të mbrojtur planetin dhe shoqëritë nga efektet e saj të dëmshme. /Skyweb.al
