Në Pallatin e Kongreseve është hapur panairi i 28-të i Librit. Dhjetëra shtëpi botuese kanë ekspozuar librat në stendat e tyre. Ndërkohë, libri është shndërruar një një mall ekonomik, jo vetëm kulturor.
Sipas të dhënave, vetëm përgjatë periudhës Janar-Shtator të vitit aktual u importuan rreth 1.2 miliardë lekë artikuj. Hollanda rezulton partneri kryesor i Shqipërisë, me një vlerë importesh që kalon 1.5 miliardë lekë.
Shifrat që shpenzohen për librin janë të mëdha, por sa lexojnë shqiptarët? Prej kohësh kjo temë diskutohet, ndërsa të dhënat kanë treguar vazhdimisht një realitet zhgënjyes.
Pak vite më parë, INSTAT publikoi se 1 milion shqiptarë nuk kishin lexuar asnjë libër. Ndërsa të tjera sondazhe kanë treguar gjithashtu se numri i shqiptarëve që lexojnë ka ardhur gjithnjë në ulje, sidomos tek brezat e rinj, ku si një ndër faktorët kryesore, ekspertët rendisin teknkologjinë dhe dëshirën e të rinjve për të marrë informacion të shpejtë e sipërfaqësor. /Skyweb.al
