Një nga shtyllat kryesore të Paketës Fiskale 2026 është rivlerësimi i pasurive të paluajtshme me normë të reduktuar tatimore 5%, nga 15% që është aktualisht.
Ministri i Financave, Petrit Malaj, theksoi se kjo nismë vjen paralelisht me përcaktimin e çmimeve të reja të referencës në të gjithë vendin, me përjashtim të Tiranës.
“Qytetarët do të kenë mundësinë të rivlerësojnë pasuritë e tyre me një taksë shumë më të ulët, duke i përafruar me çmimet reale të tregut,” deklaroi Malaj.
Projektligji “Për fshirjen, shuarjen dhe pagesën e detyrimeve tatimore” dhe ai “Për marrëveshjen e paqes fiskale” parashikojnë:
-
Rivlerësim me tatim 5% deri në fund të vitit 2026
-
Mundësi korrigjimi të pasqyrave financiare
-
Trajtim preferencial për detyrimet tatimore të mbartura
Sipas Ministrisë së Financave, kjo është dritarja e fundit për rivlerësim me norma të reduktuara, përpara publikimit të çmimeve të reja të referencës dhe ashpërsimit të kontrolleve fiskale. /skyweb.al
