Paketat fiskale për vitin 2026 vendosin kufizime të reja për përdorimin e parasë fizike në ekonomi.
Sipas ministrit të Financave, Petrit Malaj, bizneset do të lejohen të kryejnë pagesa mes tyre me para në dorë deri në 100 mijë lekë. Çdo pagesë mbi këtë vlerë duhet të kryhet detyrimisht përmes bankës.
Për shitjet ndaj qytetarëve, kufiri do të jetë 500 mijë lekë cash. Mbi këtë shumë, pagesa duhet të realizohet me transfertë bankare ose mjete të tjera elektronike.
Projektligji parashikon edhe detyrimin e përdorimit të pajisjeve POS dhe formave alternative të pagesave:
Turizmi dhe transporti – deri më 30 maj 2026
Të gjithë sektorët e tjerë – deri më 31 dhjetor 2026
Qeveria argumenton se kjo masë synon rritjen e gjurmueshmërisë, uljen e evazionit dhe rritjen e sigurisë së transaksioneve. /skyweb.al
