Komisioni Europian ka ndarë rreth 40 mijë bileta treni për udhëtime falas nëpër Evropë për të rinjtë që mbushën 18 vjeç gjatë vitit të kaluar.
Sipas një njoftimi të publikuar sot në Bruksel, 40-vjetori i zonës së lëvizjes së lirë Shengen shërbeu si një rast i veçantë për realizimin e kësaj nisme. Fituesit e biletave kanë mundësi të udhëtojnë deri në 30 ditë, në periudhën nga marsi 2026 deri në maj 2027.
Përveç biletave të trenit, përfituesit do të kenë edhe një kartë zbritjeje për transportin publik, si dhe për aktivitete kulturore, akomodim dhe shërbime të tjera në 36 shtete evropiane.
Ky program është lançuar në vitin 2018 dhe vazhdon të shpërndajë mijëra bileta dy herë në vit. /skyweb.al
