Të gjitha shkollat publike dhe private, përfshirë shkollat e mesme dhe ato të mbrëmjes, në gjithë rajonin e Athinës do të jenë të mbyllura nesër, më 21 janar, si masë parandaluese për shkak të kushteve të pafavorshme atmosferike që parashikohen për ditët në vijim.
Procesi mësimor do të zhvillohet online.
Vendimi është marrë nga guvernatori rajonal Nikos Hardalias, pas rekomandimeve të Komitetit të Vlerësimit të Rrezikut, autoriteteve të Mbrojtjes Civile dhe Shërbimit Kombëtar Meteorologjik Grek (HNMS).
Qëllimi i këtij vendimi është garantimi i sigurisë së nxënësve dhe stafit arsimor, duke shmangur rreziqet e mundshme gjatë lëvizjes drejt shkollave, në një kohë kur priten reshje të dendura shiu, veçanërisht pas mesditës. /skyweb.al
