Variantet gjenetike janë identifikuar si një nga shkaqet kryesore të aborteve spontane. Ky zbulim ka një rëndësi të veçantë, pasi mund të kontribuojë në zhvillimin e strategjive të reja për uljen e këtij rreziku te mijëra çifte që përballen me vështirësi riprodhuese.
Abortet spontane janë një fenomen i zakonshëm te njerëzit dhe prekin rreth 15% të shtatzënive. Shpesh ato ndodhin përpara se gruaja të jetë në dijeni të shtatzënisë.
Në kuadër të studimit janë analizuar rreth 139 mijë embrione të fekonduara in vitro, si dhe të dhënat e afërsisht 23 mijë çifteve prindërish biologjikë. Rezultatet tregojnë se abortet spontane lidhen kryesisht me variante gjenetike. Prej kohësh, shkenca ka pranuar se një nga shkaqet kryesore është prania jonormale e kromozomeve, por studimi i ri tregon se ndikimi kryesor vjen nga gjenet që rregullojnë mënyrën se si kromozomet çiftëzohen dhe rindërtohen gjatë formimit të qelizës vezë. Ky proces i çrregulluar çon në krijimin e embrioneve që nuk arrijnë të mbijetojnë.
Ekspertët theksojnë se kërkimet do të vazhdojnë në këtë drejtim, me synimin për të gjetur zgjidhje konkrete dhe për të reduktuar rrezikun e aborteve spontane në të ardhmen. /skyweb.al
