Dollari amerikan ka shfaqur shenja rimëkëmbjeje pas rënies së vazhdueshme të ditëve të fundit, duke u këmbyer këtë mëngjes me 81.3 lekë në blerje dhe 82.4 lekë në shitje, në rritje krahasuar me një ditë më parë.
Ndërkohë, monedha europiane ka ruajtur një ecuri të qëndrueshme, pa ndryshime të ndjeshme nga dita e hënë, duke u blerë sot me 96.3 lekë dhe u shitur me 97 lekë sipas kursit të këmbimit lokal.
Franga zvicerane ka regjistruar një forcim të ndjeshëm këtë mëngjes, duke u rritur krahasuar me ditën e djeshme dhe duke u blerë me 104.5 lekë e shitur me 105.6 lekë.
Edhe paundi britanik ka shënuar rritje të vlerës, duke u këmbyer sot me 111.2 lekë në blerje dhe 112.2 lekë në shitje, sipas tregut të brendshëm valutor. /skyweb.al
