Kryeministri Edi Rama ka emëruar Afrim Qendron në krye të Inspektorati Kombëtar i Mbrojtjes së Territorit, duke i besuar drejtimin e institucionit që mbikëqyr zbatimin e ligjit në fushën e territorit dhe ndërtimit.
Qendro mbante deri pak ditë më parë detyrën e Prefektit të Qarkut Tiranë. Ai konsiderohet një prej bashkëpunëtorëve të hershëm të Ramës, që prej periudhës kur ky i fundit drejtonte Bashkinë e Tiranës.
Gjatë karrierës së tij në administratën publike dhe në strukturat politike, Qendro ka mbajtur një sërë funksionesh të larta. Ai ka qenë koordinator elektoral i Partisë Socialiste në qarqet e Tiranës dhe Vlorës, anëtar i Asamblesë Kombëtare si dhe ndër më të votuarit në Asamblenë e Tiranës.
Në nivel ekzekutiv, ai ka drejtuar Ndërmarrjen Nr. 1 në Bashkinë e Tiranës, më pas Inspektoratin Ndërtimor të Tiranës, si dhe ka qenë drejtues i Autoriteti Rrugor Shqiptar.
Po ashtu ka ushtruar detyrën e nënkryetarit të Bashkisë së Vlorës dhe, së fundmi, atë të Prefektit të Qarkut Tiranë.
Emërimi i tij në krye të IKMT vjen në një moment kur kontrolli mbi territorin dhe zbatimi i legjislacionit për ndërtimet mbetet një nga çështjet më të ndjeshme në administrimin publik. /skyweb.al
