Presidenti i Shteteve te Bashkuara të Amerikës, Donald Trump, ka njoftuar vendosjen e një tarife të re doganore globale prej 10% mbi importet, pas vendimit të Gjykata Supreme e Shteteve të Bashkuara që rrëzoi shumicën e tarifave të mëparshme të administratës së tij.
Vendimi i Gjykatës konstatoi se presidenti nuk kishte autoritet të mjaftueshëm ligjor për të zbatuar tarifat e gjera në bazë të ligjit për fuqitë emergjente ekonomike, duke i hequr kështu bazën juridike masave të mëparshme tregtare.
Në reagim, Trump njoftoi se do të përdorë një tjetër bazë ligjore për të vendosur tarifën e re 10%, e cila pritet të aplikohet për një periudhë të kufizuar kohore. Sipas tij, masa synon të mbrojë interesat ekonomike amerikane dhe të adresojë praktikat e padrejta tregtare nga vende të tjera.
Presidenti kritikoi ashpër vendimin e Gjykatës, duke e cilësuar atë të gabuar dhe duke theksuar se administrata e tij do të vijojë me politika të forta tregtare.
Tarifat e reja pritet të ndikojnë në marrëdhëniet tregtare ndërkombëtare dhe të hapin një debat të ri mbi kompetencat e presidentit në fushën e politikës ekonomike dhe tregtare. /skyweb.al
