“Pavarësisht karakterit të saj të fortë, doni apo nuk doni ju, Belinda Balluku për punët e saj si ministre apo edhe angazhimet politike është e zorshme të zëvendësohet”, tha Rama.
Në postin e zëvendëskryeministres është emëruar Albana Koçiu, e cila zëvendëson në këtë detyrë Belinda Ballukun. Ndërkohë, drejtimin e Ministrisë së Infrastrukturës dhe Energjisë e merr Enea Karakaçi.
Në Ministrinë e Punëve të Jashtme është emëruar Ferit Hoxha, ish-ambasador i Shqipërisë në OKB.
Ndryshime ka edhe në sektorin e rendit dhe drejtësisë. Besfort Lamallari largohet nga posti i ministrit të Drejtësisë dhe emërohet ministër i Brendshëm, ndërsa Toni Gogu merr drejtimin e Ministrisë së Drejtësisë.
Erjona Ismaili është emëruar ministre për Marrëdhëniet me Parlamentin.
Ndërkohë, edhe Ministria e Mbrojtjes ka pësuar ndryshim, ku Pirro Vengu largohet nga detyra dhe në vend të tij emërohet Ermal Nufi. /skyweb.al
