Bordi i Transparencës ka vendosur çmimet e reja të karburanteve në vend, duke përcaktuar tavanet maksimale për shitjen me pakicë dhe shumicë, të cilat hynë në fuqi këtë të martë, më 15 prill, në orën 13:30.
Sipas vendimit, çmimi i naftës (gazoil) për konsumatorët nuk duhet të jetë më shumë se 207 lekë për litër, ndërsa për shitjen me shumicë është vendosur në 195 lekë për litër. Ndërkohë, benzina do të shitet me pakicë deri në 174 lekë për litër dhe me shumicë deri në 162 lekë për litër.
Këto çmime do të qëndrojnë në fuqi deri në mbledhjen e ardhshme të Bordit, ku pritet të reflektohen ndryshimet e reja të tregut. Autoritetet paralajmërojnë operatorët se zbatimi i këtij vendimi është i detyrueshëm, ndërsa çdo shkelje do të shoqërohet me masa të rënda, deri në pezullim aktiviteti.
Në të njëjtën kohë, institucionet përgjegjëse theksojnë se janë të angazhuara për mbrojtjen e konsumatorëve dhe garantimin e konkurrencës së ndershme në tregun e karburanteve.
Në sqarimin shoqërues, bëhet e ditur se çmimet aktuale janë nën kufijtë e përcaktuar nga akti normativ i miratuar më 3 prill 2026. Kjo do të thotë se nuk aktivizohet ulja e akcizës dhe për rrjedhojë niveli i saj vijon të zbatohet i plotë, në masën 100 për qind.
