Ngjitja në hierarkinë e një kompanie po lidhet gjithnjë e më shumë me aftësitë dhe rezultatet që jep një punonjës. Inteligjenca artificiale po e përshpejton këtë ndryshim, duke u mundësuar profesionistëve të rinj të mësojnë më shpejt dhe të marrin përsipër detyra më të ndërlikuara.
Sipas një analize të Newmoney, mjetet e AI ndihmojnë në përpunimin e të dhënave, analizën e tregjeve dhe përgatitjen e propozimeve për biznesin. Kjo u jep punonjësve mundësi të zhvillojnë më herët aftësi që më parë kërkonin një përvojë më të gjatë pune.
Për brezin Z, teknologjia po bëhet pjesë e përditshme e punës. Familjariteti me këto mjete ushqen edhe pritshmërinë për t’u promovuar më shpejt, bazuar te kontributi konkret.
Kompanive u shtohet kështu nevoja për të dalluar herët punonjësit e aftë dhe për t’u dhënë përgjegjësi. Vitet në një pozicion mbeten të rëndësishme, por pesha e tyre përballë rezultateve po vihet në diskutim.
Megjithatë, përdorimi i AI nuk mjafton për të qenë drejtues i mirë. Gjykimi, komunikimi dhe aftësia për të menaxhuar njerëzit mbeten vendimtare. Teknologjia mund të përshpejtojë përgatitjen, ndërsa aftësia për të drejtuar provohet në punën me ekipin. /skyweb.al
