Ka përfunduar numërimi i votave në Kaçinar të Mirditës, një fshat që gjatë muajve të fundit ka protestuar intensivisht kundër ndërtimit të një hidrocentrali, për shkak të marrjes së ujërave të fshatit. Megjithatë, rezultati i votimeve tregon një vazhdimësi të prirjeve politike krahasuar me zgjedhjet e vitit 2021.
Në zgjedhjet e këtij viti:
PD-ASHM ka marrë 179 vota ose rreth 52% të votave,
PS ka marrë 136 vota ose rreth 40% të votave.
Në krahasim, në zgjedhjet parlamentare të vitit 2021:
PD kishte marrë 295 vota (52.77%),
PS kishte marrë 224 vota (40%).
Edhe pse pjesëmarrja ka qenë më e ulët këtë herë, përqindjet mes dy partive kryesore kanë mbetur praktikisht të pandryshuara. Kjo sugjeron se, pavarësisht pakënaqësive të shprehura në protesta kundër projektit të HEC-it, gjysma e banorëve të Kaçinarit kanë vijuar të mbështesin forcat politike që kanë dominuar tradicionalisht në këtë zonë. /skyweb.al
