Ai bëri me dije se aktualisht është duke u zhvilluar një analizë e detajuar nga Autoriteti i Kibernetikës, AKSHI dhe ekspertë të Postës Shqiptare, ndërsa rezultatet përfundimtare pritet të dalin në një raport zyrtar.
Sipas Demës, “në momentin që flasim është duke u zhvilluar një analizë nga autoriteti i Kibernetikës, nga AKSHI dhe ekspertët e Postës Shqiptare. Ajo që mund të themi është se shërbimet e postës vazhdojnë normalisht. Nuk ka të dhëna që ka informacione të enkriptuara, por duhet të presim raportin përfundimtar të këtyre institucioneve”.
Ministri theksoi gjithashtu se Autoriteti i Kibernetikës ka kapacitetet e nevojshme për të garantuar integritetin e të dhënave publike, duke shtuar se jo të gjitha institucionet janë ende të përfshira në këtë sistem, por sipas tij Shqipëria ka bërë progres në këtë drejtim vitet e fundit. /skyweb.al
