Ministri i Brendshëm, Besfort Lamallari thotë se nuk ka një rrezik real nga Irani në Shqipëri, ndërkohë që Ambasada Amerikane lëshoi një ditë më parë alarm sigurie.
“U kam kërkuar strukturave të sigurisë që të jenë në komunikim me zyrën e Ambasadës Amerikane. Së pari, nuk ka asnjë informacion konkret për një situatë rreziku real, është në vazhdën e deklaratave standard në të gjitha vendet e botës.
Prej disa kohësh janë marrë masa të shtuara sigurie, bazuar në zhvillimet ndërkombëtare”, tha ministri i Brendshëm, Besfort Lamallari.
Në të njëjtën linjë u shpreh edhe ministri i Mbrojtjes, Ermal Nufi
“Nuk ka vend për t’u shqetësuar, Ambasada ka bërë njoftimin e saj në përputhje me masat e sigurisë”, u shpreh ai. /Skyweb.al
