Agjencia e Zhvillimit të Territorit, kaloi gjatë javëve të fundit, një seri vendimesh për shoqëri dhe individë, që kishin aplikuar për leje ndërtimit. Ajo që bie në sy, është fakti se gjatë muajit maj, AZHT ka refuzuar dhjetëra aplikime për leje ndërtimi dhe zhvillimi për struktura hoteliere, pallatesh dhe struktura të tjera shërbimesh dhe banimi.
Refuzimi i lejes së ndërtimit është bërë për një numër të madh subjektesh dhe individësh, ku nuk mungojnë as ata që kanë pasur konflikte me ligjin. Klikneës.al ka zbuluar eksklzuivisht se mes kompanive që u është refuzuar leja e ndërtimit është “5D Konstruksion”, e cila sipas SPAK kishte pronarë faktik ish-drejtuesit e besuar të Erion Veliajt në Bashkinë e Tiranës, Redi Molla dhe Mariglen Qato.
Sipas vendimitt ë datës 29 prill 2026, Edi Rama, Blendi Gonxhja dhe Adelajda Roka, kanë firmosur një vendim të AZHT për refuzimin e lejes së ndërtimit për kompaninë e drejtorëve të Erion Veliajt.
AZHT ka vendosur “refuzimin e Lejes së Ndërtimit për objektin: “Kompleks turistik 1-2 kate, me 3 kate nëntokë”, me vendndodhje në bashkinë Himarë, me subjekt zhvillues shoqërinë “5D Konstruksion” sh.p.k”.
Lajmi në fakt nuk qëndron te refuzimi i lejes së ndërtimit, por karshillëku që i bëhet SPAK, institucion i cili ende nuk ka përfunduar hetimet e plota për këtë dosje, pasi vijon hetimi për një fraksion të dosjes.
Gjithashtu, shoqëria “5D Konstruksion”, rezulton se është nën sekuestro nga Prokuroria e Posaçme për aferën me tenderat në Bashkinë e Tiranës. Gjithashtu, aplikimi i shoqërisë “5D Konstruksion” për leje ndërtimi për një kompleks turistik në Himarë, ngre dyshime të forta mbi vijimin e aktiviteitt të kësja shoqërie dhe asete të fshehura të cilat duket se nuk janë zbuluar nga SPAK.
Hetimet për dosjen 5D Konstruksion
Deri më tani, janë dhënë disa vendime gjykimi për personat e përfshirë në dosjen “5D Konstruksion”. Një seri zyrtarësh të KVO-ve në bashkinë Tiranë, por edhe disa drejtues institucionesh, kanë marrë dënime me disa vjet burg, por pothuajse çdo i pandehur e konvertoi dënimin në shërbim prove.
Në muajin shkurt të këtij viti, SPAK dha pretencën për dy të akuzuarit kryesor të dosjes, Redi Molla. Sipas kërkesës së prokurorisë, Redi Molla duhet të dënohet me 11 vite burg dhe ndalim ushtrimi të funksioneve publike për 5 vite, ndërsa për Mariglen Qaton është kërkuar 9 vite burg dhe ndalim funksionesh për 5 vite.
Taulant Tusha përballet me kërkesë për 4 vite burg, ndërsa Albano Janku me 2 vite burg, të dy me ndalim ushtrimi të funksioneve publike për 5 vite.
Për Enton Punavijan dhe Julian Zanajn prokuroria ka kërkuar nga 3 vite burg secili, ndërsa për Nestor Muhametllarin 7 vite burg, të gjithë me masën plotësuese të ndalimit të funksioneve publike për 5 vite. Nga të pandehurit, i vetmi që ndodhet aktualisht në burg është Mariglen Qato./Kliknews.al
