Drejtori i përgjithshëm i Shërbimit Zjarrfikës, Arben Cara, është dorëhequr nga detyra.
Cara ka paraqitur dorëheqjen një ditë më parë, ndërsa sot ministri i Brendshëm, Besfort Lamallari, ka firmosur urdhrin për largimin e tij.
Arsyet e dorëheqjes mbeten ende të paqarta.
Largimi i Carës nga drejtimi i Shërbimit Zjarrfikës vjen në një moment kur vendi po përballet me disa vatra zjarri në qarqe të ndryshme.
Sipas bilancit të Ministrisë së Mbrojtjes për 24 orët e fundit, në territorin e vendit janë raportuar gjithsej 25 vatra zjarri, pjesa më e madhe e të cilave tashmë janë shuar.
Aktualisht, pesë vatra vijojnë të jenë aktive, ndërsa një tjetër zonë mbahet nën monitorim.
Zjarret kanë shkaktuar dëme të konsiderueshme në sipërfaqe pyjore, por deri tani nuk është regjistruar asnjë humbje jete.
