Kryeministri Edi Rama ka bërë publik emrat e kabinetit të ri qeveritar të mandatit të katërt. Belinda Balluku nuk ndryshon pozicionin e saj. Ajo do të vazhdojë të jetë zv.kryeministre dhe ministre e Infrastrukturës dhe Energjisë.
Për herë të parë rendi do të drejtohet nga një grua. Ministria që tashmë merr emrin e dikurshëm e Punëve të Brendshme do të drejtohet nga Albana Koçiu, që ka mbajtur deri më tani postin e ministers së Shëndetësisë dhe Mbrojtjes Sociale.
Elisa Spiropalit i besohet ministria e Jashtme. Petrit Malaj në krye të Financave. Ministria e Turizmit bashkohet me atë të Kulturës dhe drejtohet nga Blendi Gonxhja.
Mirela Kumbaro që ka drejtuar prej vitesh Turizmin dhe Mjedisin, shkon në krye të Arsimit.
Çështjet e Mjedisit do të kenë ministrinë më vete që do të drejtohet nga Sofjan Jaupaj.
Në krye të Shëndetësisë vendoset Evis Salaj. Delina Ibrahimi do të jetë ministrja e Ekonomisë dhe Inovacionit.
Besfort Lamallari është ministri i ri i Drejtësisë. Pirro Vengu do të vazhdojë të ndryshojë ministrinë e Mbrojtjes.
Andis Salla, kryetar i bashkisë së Cërrikut merr postin e ministrit të Bujqësisë, duke çuar edhe bashkinë e Cërrikut në zgjedhje.
Ervin Demo do të jetë ministër i Shtetit për Pushtetin Vendor dhe Toni Gogu ministër për Parlamentin. /Skyweb.al
