Në një takim me banorët në Njësinë 5 në Tiranë, kryeministri Edi Rama deklaroi se bonusi i fundvitit për pensionistët do të shpërndahet përpara festave.
“Pensionistët do të marrin bonusin që kanë marrë dhe që u është premtuar, edhe këtë vit, përpara Vitit të Ri”, deklaroi Rama.
Kreu I qeverisë shtoi se nga janari 2026 do të nisë një rritje progresive e pensioneve.
“Pensioni i plotë urban do të bëhet 40 mijë lekë, ndërsa ai rural do të shkojë në 18 mijë lekë. Pensionet do të rriten çdo muaj dhe çdo vit, dhe do të indeksohen rregullisht”, u shpreh kryeministri.
Sipas tij, në katër vitet e ardhshme vetëm për pensionistët do të investohen 1.7 miliardë euro, duke e quajtur këtë një shenjë të kujdesit të qeverisë ndaj të moshuarve. /Skyweb.al
