Katër pajisje të reja skaneri për kryerjen e kontrollit të bagazheve të pasagjerëve në mënyrë të shpejtë dhe efikase janë vendosur në Aeroportin Ndërkombëtar të Rinasit, si dhe në pikat kufitare të Kapshticës, Kakavijës dhe të Sarandës.
Instalimi i këtyre pajisjeve me rreze X do të rrisë cilësinë e kontrolleve të bagazheve të pasagjerëve, si dhe do të shkurtojë ndjeshëm kohën e kontrollit, duke ruajtur balancën e duhur ndërmjet kontrolleve doganore dhe lehtësimit të tregtisë së ligjshme në çdo pikë doganore.
Skanerët me rreze X do të ndihmojnë në përmbushjen e detyrimeve të sigurisë kombëtare në kufi, si për të garantuar qarkullimin e ligjshëm të udhëtarëve dhe mallrave në këto pika kufitare, në më pak kohë dhe më shumë cilësi, ashtu dhe në kuadër të forcimit të luftës kundër trafiqeve të paligjshme. /scan.tv
Related posts:
Një Airbus A350-900 “fringo” zbret në Aeroportin e Prishtinës, kompania e mori në dorëzim vetëm pak ditë më parë
Një spiun në celularin dhe lap top-in tuaj, Vodafone dhe One duhet të tregojnë çfarë po ndodh me DPI
Kullat me stadium, Nikolin Jaka dhe Alban Peza do të ndërtojnë projektin e ri te “Selman Stërmasi”
Policia, tender 6.6 milion euro për pajisje, kushtet teknike dhe tregu specifik minimizojnë garën
