Apple mund të përballet së shpejti me një vendim të vështirë: rritjen e çmimeve të produkteve të saj për të kompensuar ndikimin e tarifave të vendosura nga ish-presidenti Donald Trump.
Sipas analistëve, nëse prodhimi zhvendoset në SHBA, një iPhone mund të arrijë deri në 3,000 dollarë.
Apple, që shet mbi 220 milionë iPhone çdo vit në SHBA, Kinë dhe Europë, e prodhon shumicën e pajisjeve të saj në Kinë, ku sipas të dhënave të Reuters, 54% e produkteve të kompanisë preken nga tarifat doganore.
Nëse kompania vendos të zhvendosë prodhimin dhe njëkohësisht t’i kalojë konsumatorëve koston shtesë, modeli më i lirë i iPhone 16 mund të arrijë në 1,142 dollarë – një rritje e konsiderueshme prej 43%, sipas analizave të Rosenblatt Securities të cituara nga Reuters.
Ndërkohë, analisti i Wedbush Securities, Dan Ives, u shpreh për Bloomberg TV: “Nëse doni iPhone që kushtojnë 3,500 dollarë, atëherë duhet t’i prodhojmë në New Jersey apo në Texas. Por nëse doni iPhone prej 1,000 dollarësh, ato duhet të prodhohen në Kinë.”/NCBS
