Në të njëjtën periudhë kur prona e ARMO i jepej në Ballsh aksionerëve të Credins dy punonjës të rendësishëm të bankës zbrisnin shkallët nxitimthi për të shkuar te noteri Julian Zhelegu me qëllim bërjen e “letrave” për gjoja kredi dhe pranimin (dy herë) si kolateral të aksioneve (!) të një kompanie me kapital 100 lekë, që thotë se kishte zyra me qira përballë Piramidës Tiranë por rrenjë të thella në Offshore
Rrëfimi i rrënimit të rafinerisë ARMO është një prej sagave më të errëta të tranzicionit shqiptar – një histori që nis me privatizime të dyshimta dhe përfundon me pasurimin e njerëzve të lidhur me pushtetin dhe bankat. Sot, prona e dikurshme publike prej miliardash është kthyer në një biznes energjetik privat nën kontrollin e aksionerëve të bankës.
Në qendër të kësaj skeme është Banka Credins, e cila, pas marrjes nën kontroll të aseteve të ARMO-s i shiti ato kompanisë Shijaku, procesurë nga e cila më pas do të “mbinin” befas pikërisht pronarët e Bankës Credins.
Pronarja e truallit të ARMO-s sot është GreeNNat Solar Park Ballsh, kompani me pronar përfitues Agron Haxhiymerin, i cili është një nga aksionerët indirektë të vetë bankës Credins, përmes kompanisë “Prima”, në bashkëpronësi me vëllain e tij, Fuad Haxhiymeri, aksioner në Credins.
Nga kolapsi në “tranzicion të butë”, rrëzimi dhe shitja e rafinerisë
Pas falimentimit të ARMO-s në vitin 2019, e cila ishte e mbytur nga borxhet, Banka Credins sekuestron 54 asete të saj. Në vitin 2023, një Vendim i Këshillit të Ministrave dhe më tej një leje nga Këshilli Kombëtar i Territorit, hapën rrugën për shkatërrimin përfundimtar të uzinës dhe çuarjen e saj për skrap, duke i hapur terren projektit “Greennat Solar Park Ballsh”, një park fotovoltaik në pronësi të AlbSolar InfoTelecom3, ku figurojnë si pronarë përfitues pikërisht Agron Haxhiymeri dhe Marin Gjonaj.
Pasi u shit nga Banka Credins, ARMO ishte nën sekuestro konservative, pork jo nuk i pengoi pronarët që të ndërhynin duke bërë shkatërrimin final të saj, sipas shteg.org.
Ish-punonjës dhe drejtues të sindikatës kanë kërkuar SPAK-ut të verifikojë të gjithë zinxhirin e transaksioneve që nga momenti i falimentimit të ARMO-s, kalimi i aseteve në bankën Credins dhe më tej te personat fizikë që rezultojnë aksionerë në të njëjtën bankë që e mori në pronësi si kolateral pas kredive të pashlyera dhe më pas ia transferoi aksionerëve të saj.
Historia e ARMO-s është një shembull brutal i asaj që ndodh kur ligji, morali dhe interesat publike bien nën peshën e klientelizmave ekonomikë dhe bankarë. Asgjë nuk ndodh rastësisht. Dhe asgjë nuk duhet të lihet në harresë.
Në të njëjtën periudhë kur prona e ARMO i jepej në Ballsh aksionerëve të Credins dy punonjës të rendësishëm të bankës zbrisnin shkallët nxitimthi për të shkuar te noteri Julian Zhelegu me qëllim pranimin (dy herë) si kolateral të aksioneve (!) të një kompanie me kapital 100 lekë, që thotë se kishte zyra me qira përballë Piramidës Tiranë por rrenjë të thella në Offshore…/skyweb.al
