Sipas raportit më të fundit mujor të IATA-s, numri i udhëtarëve ndërkombëtarë në korrik 2025 është rritur me 7 % krahasuar me të njëjtin muaj të vitit 2019, duke shënuar për herë të parë tejkalimin të nivelit par pandemisë.
Rritja është udhëhequr nga rajoni Azisë Jug-Lindore, i cili shënoi +12 %, pasi Kina, Japonia dhe Koreja e Jugut rihapën plotësisht kapacitetet aeroportuale dhe shtuan ndjeshëm frekuencat e fluturimeve.
Amerika e Veriut dhe Evropa treguan rritje më të moderuar në trafikun ndërkombëtar, përkatësisht me +5.2 % dhe +4.1 %, duke reflektuar kërkesën e qëndrueshme për udhëtimet turistike dhe të biznesit.
Ndërkohë, Lindja e Mesme dhe Afrika patën ritme më të ulëta zgjerimi, si pasojë e tensioneve gjeopolitike.
Drejtori i përgjithshëm i IATA-s, Willie Walsh, tha se “2025-a po rezulton të jetë viti i konsolidimit të plotë të sektorit ajror, tregu jo vetëm që është rikuperuar, por ka kaluar kapacitetin e vitit 2019”, duke shtuar se sfidat kryesore mbeten “mungesa e personelit në aeroportet kryesore, kapaciteti i kufizuar i prodhuesve të avionëve dhe luhatjet në çmimet e karburantit”.
IATA parashikon që deri në fund të vitit 2025, numri i pasagjerëve globalë mund të arrijë 4.9 miliardë, duke vendosur një rekord historik të ri për aviacionin civil. /skyweb.al
