Platforma e njohur e videove, YouTube, ka hasur sot, të mërkurën, problematika të konsiderueshme në aksesin e përdoruesve. Sipas raportimeve, për të parë një video, përdoruesve u kërkohet të kalojnë një verifikim me karaktere të ndryshme për të konfirmuar se nuk janë robotë.
Megjithatë, edhe pas përfundimit të këtij procesi, shumë përdorues raportojnë se nuk arrijnë të hyjnë te materialet e videos, duke përjetuar pengesa të vazhdueshme. Problemi duket të jetë global dhe po shqetëson miliona përdorues, veçanërisht ata që përdorin platformën për edukim dhe punë.
YouTube ende nuk ka dhënë një njoftim zyrtar për shkakun e këtij defekti dhe për kohën e rikthimit të funksionalitetit normal. Përdoruesit këshillohen të kontrollojnë rrjetin dhe të jenë të vëmendshëm ndaj çdo njoftimi nga platforma. /skyweb.al
