Kostot e sigurimit makinave në Shtetet e Bashkuara janë rritur me 5.3% krahasuar me një vit më parë, sipas të dhënave zyrtare të qeverisë federale mbi inflacionin.
Aktualisht, një shofer amerikan paguan mesatarisht 213 dollarë në muaj për sigurimin e plotë të automjetit.
Ekspertët paralajmërojnë se tarifat e reja nuk do të ndikojnë vetëm tek pjesët e këmbimit dhe kostot e riparimeve, por pritet të çojnë në rritje të mëtejshme edhe të primeve të sigurimit.
Kompanitë detyrohen të rrisin çmimet për të mbuluar shpenzimet shtesë që sjellin tarifat dhe tregu i tensionuar i industrisë së automjeteve.
Nëse tarifat mbeten në fuqi, sigurimi mesatar vjetor pritet të rritet deri në 7% deri në fund të vitit, krahasuar me një parashikim prej 4% nëse ato nuk aplikohen.
Kjo dinamikë po ndikon drejtpërdrejt konsumatorët në gjithë vendin, duke shtuar një barrë të re mbi buxhetet familjare. Analistët theksojnë se tregu i sigurimeve të makinave mbetet i ndjeshëm ndaj zhvillimeve tregtare dhe tarifat janë shndërruar në një faktor presioni që po prek drejtpërdrejt edhe nivelin e primeve të sigurimit. /skyweb.al
